Türkiýe Respublikasynyň çäginde ýaşaýan Türkmenistanyň raýatlaryna “Türkmenistana dolanyp barmak üçin şahadatnama” bermek üçin gerekli resminamalar:

Türkmenistanyň çäginde hemişelik hasaba alnan Türkmenistanyň raýatlaryna Türkiýe Respublikasynyň çäginde Türkmenistanyň raýatynyň biometrik pasporty hem-de Türkmenistanyň graždanynyň pasporty ýitirilen, ogurladylan, güýjüni ýitiren (möhleti tamamlanan), zaýalanan ýagdaýlarynda ýa-da Türkmenistanyň raýatlarynyň Türkiýe Respublikasynda dünýä inen, şol bir babatda biometrik pasporty bolmadyk çagalaryna  “Türkmenistana dolanyp barmak üçin şahadatnama” resmiledşirilýär;

Bellik: Türkmenistanyň raýatlarynyň Türkiýe Respublikasynyň çäginde dünýä inen çagalaryna “Türkmenistana dolanyp barmak üçin şahadatnama” resmileşdirmekden ozal Türkmenistanyň Türkiýe Respublikasyndaky Ilçihanasynyň Konsullyk bölümi tarapynda “Dogluş hakyndaky şahadatnama” resmileşdirilmelidir.

1. Raýat tarapyndan ýazylan arza (Ilçihananyň Konsullyk bölüminde ýazylmaly);

2. Raýatyň Türkiýe Respublikasynyň çäginde wagtlaýyn ýaşamaga bolan rugsatnamasynyň (kimlik karty) reňkli nusgasy;

Bellik: Eger-de raýat Türkiýe Respublikasyna täzelikde gelen bolsa, biometrik pasportynda resmileşdirilen wizanyň möhletiniň esasynda ýüz tutup biler.

3. Raýatyň biometrik pasportynyň 1-nji sahypasynyň reňkli nusgasy;

4. Raýatyň Türkmenistanyň graždanynyň pasportynyň 1,2,3,8,9,32 sahypalarynyň reňkli nusgasy;

5. Raýatyň Dogluş hakynda şahadatnamasynyň reňkli nusgasy;

6. Raýatyň pasportynyň ýitirilendigi ýa-da ogurlanandygy barada degişli Polisiýa müdirlikleri tarapyndan berilýän beýannamanyň asyl nusgasy;

7. Raýatyň 2 (iki) sany 3x4 suraty;

Türkmenistana dolanyp barmak üçin şahadatnama almak üçin konsullyk hyzmatynyň ýygymlary alynýar;

Maglumat: Ýokarda görkezilen her bir resminamalar 1 (bir) reňkli nusgada hem-de A4 ölçegli kagyzyň ýüzünde ýerleşdirilen bolmaly.