1. Ýuridiki ýa-da fiziki şahsyň adyna Türkmenistanyň Döwlet migrasiýa gullugy tarapyndan resmileşdirlen çakylyk hatynyň asyl nusgasy (ýa-da göçürmesi);

2. Raýatyň wize üçin ýörite anketasy;

3. Raýatyň pasportynyň asyl we reňkli nusgasy;

4. Raýatyň 2 (iki) sany 3x4 görnüşli reňkli suraty;

Türkmenistanyň Türkiýe Respublikasyndaky Ilçihanasynyň Konsullyk bölümi tarapyndan daşary ýurt raýatlaryna we raýatlygy bolmadyk adamlara (mundan beýläk-daşary ýurt raýatlary) Türkmenistana gelmek hem-de Türkmenistandan gitmek üçin wizalaryň (mundan beýläk-wizalary) şu derejeleri resmileşdirilip bilner:

1. Diplomatik wiza (DP);

2. Gulluk wizasy (OF) ;

3. Işewürlik wizasy (BS1, BS2);

4. Maýa goýum wizasy (Inwestisiýa wizasy) (IN);

5. Işçi wizasy (WP);

6. Maşgala wizasy (FM);

7. Sport wizasy (SP1, SP2);

8. Ynsanperwerlik wizasy (HM);

9. Hususy wiza (PR1, PR2);

10. Talyp wizasy (ST);

11. Syýahatçylyk wizasy (TU);

12. Üstaşyr wizasy (TR1, TR2);

13. Saglygy bejeriş wizasy (HL);

14. Sürüjilik wizasy (DR);

15. Çykyş wizasy (EX). 

          Her bir derejedäki wizalary resmileşdirmek üçin bellenen görnüşdäki ýazmaça ýa-da elektron ýüztutmalary  we ýüztutma goşulýan resminamalary, şol sanda 5x6 ölçegdäki reňkli suratly bellenen görnüşdäki daşary ýurt raýatyna ýokarda görkezilen wizalary resmileşdirmek üçin Şahsy kagyzy1 nusgada talap edilmäge degişlidir;

         Türkmenistana gelýän daşary ýurt raýatlaryna diplomatik (DP), gulluk (OF) we çykyş (EX) wizalaryny, şeýle hem Türkmenistana agyr keselli ýagdaýda bolan ýakyn garyndaşlaryny görmek, ýakyn garyndaşlaryny jaýlamak hem-de ýatlama dessurlaryny amala aşyrmak maksady bilen ynsanperwerlik we beýleki  gaýragoýulmasyz häsiýetli ýagdaýlarda hem-de daşary ýurt raýatlarynyň Türkmenistanda mejbury duran (mejbury bolýan) ýagdaýlarynda degişli derejedäki wizalary  resmileşdirmek üçin bellenen görnüşdäki daşary ýurt raýatyna işewürlik (BS1, BS2), maýa goýum (IN), işçi (WP), maşgala (FM), Sport (SP1, SP2), ynsanperwerlik (HM), hususy (PR1, PR2), talyp (ST), syýahatçylyk (TU), üstaşyr (TR1, TR2), saglygy bejeriş (HL), sürüjilik (DR) wizasyny resmileşdirmek üçin Şahsy kagyzy talap edilmeýär;

           Ýakyn hossarlaryna we çagalaryna wiza resmileşdirmek üçin gerekli resminamalar:

           Türkmenistanyň raýaty daşary ýurt raýaty bolup durýan aýaly/adamsyna ýa-da daşary ýurt raýaty bolup durýan çagalaryna Türkmenistana giriş wizasyny ýagny (çakylyk hatyny) Türkmenistanyň Türkiýe Respublikasyndaky Ilçihanasynyň Konsullyk bölüminde resmiledşirip biler;

1. Türkmenistanyň raýatynyň ýazan arzasy (Ilçihananyň Konsullyk bölüminde ýazylmaly);

2. Türkmenistanyň raýatynyň Türkiýe Respublikasynyň çäginde wagtlaýyn ýaşamaga bolan rugsatnamalarynyň (kimlik karty) reňkli nusgalary;

3. Türkmenistanyň raýatynyň biometrik pasportlarynyň 1-nji sahypalarynyň reňkli nusgalary;

4. Türkmenistanyň raýatynyň Türkmenistanyň graždanynyň pasportlarynyň 1,2,3,8,9,32 sahypalarynyň reňkli nusgalary;

5. Türkmenistanyň raýatynyň Dogluş hakynda şahadatnamalarynyň reňkli nusgalary;

6. Türkmenistanyň raýatynyň resmi nika baglanyşandygy hakyndaky şahadatnamasynyň reňkli nusgasy;

Bellik: Eger-de Türkmenistanyň raýaty resmi nikany Türkiýe Respublikasynyň nikalar öýünde resmileşdiren bolsa onda resmi nikanyň nusgasy Türkiýe Respublikasynyň Daşary işler ministrligi tarapyndan tassyklanan bolmaly;

7. Türkmenistanyň raýatynyň ýakyn hossarynyň ýa-da çagasynyň  wize üçin ýörite anketasy;

8. Türkmenistanyň raýatynyň ýakyn hossarynyň ýa-da çagasynyň Türkiýe Respublikasynyň çäginde ýaşamaga bolan rugsatnamalarynyň (kimlik karty) reňkli nusgalary;

9. Türkmenistanyň raýatynyň ýakyn hossarynyň ýa-da çagasynyň pasportynyň reňkli nusgasy;

Üstaşyr wiza resmileşdirmek üçin gerekli resminamalar:

1. Ýüz tutýan şahsyň ýazan Arzasy (Ilçihananyň Konsullyk bölüminde ýazylmaly);

2. Ýüz tutýan şahsyň pasportynyň (möhleti azyndan 6 aý bolmaly) reňkli nusgasy;

3. Üçünji bir ýurduň raýaty bolsa, Türkiýe Respublikasynyň wizasynyň (ýa-da wagtlaýyn ýaşaýyş rugsatnamasynyň) nusgasy;

4. Marşruty boýunça Türkmenistanyň çägine giriş we çykyş ediljek ýurtlaryň wizalarynyň nusgalary (mysal üçin: Azerbaýjan ýa-da Eýran);

5. Şahsy maglumat anketasyny doldurmaly;

6. Wiza üçin anketa doldurmaly we reňkli nusgasyny Konsullyk bölümine tabşyrmaly;

7. 2 sany suraty (3x4 ölçegde);

8. Talap edilýän her bir nusga A4 format kagyzda bolmalydyr;

Maglumat:Konsullyk hyzmatlary we wiza şileri üçin zerur bolan tölegler, resminamalar tabşyrylan wagtynda  tölenilmelidir. Eger-de wiza almak goýbolsun edilen ýagdaýynda tölenen töleg yzyna gaýtarylmaýar;

Türkmenistan wizalary hakynda has giňişleýin maglumat üçin Türkmenistanyň Döwlet Migrasiýa  gullugynyň sahypasyna girip tanyşyp bilinjekdigini maslahat berýäris;

http://migration.gov.tm/tm/citizen/wizalary-resmilesdirmek-we-olary-uzaltmak/

Wiza töleg hasaplaşygy ýuridiki ýa-da fiziki şahsyň Türkmenistanyň çäginde galjak möhletine, wizanyň derejesine we görnüşine laýyklyklykda amala aýrylýar.

Ýokarda görkezilen her bir resminamalar 1 (bir) reňkli nusgada hem-de A4 ölçegli kagyzyň ýüzünde ýerleşdirilen bolmaly;