Mugla Sytky Koçman uniwersitetinde ýokary bilim alýan türkmen talyplary bilen duşuşyk.

Mugla Sytky Koçman uniwersitetinde ýokary bilim alýan türkmen talyplary bilen duşuşyk.

Türkmenistanyň Türkiýe Respublikasynyñ Stambul şäherindäki Baş konsullugy tarapyndan 2019-njy ýylyň 17-nji aprelinde Mugla Sytky Koçman uniwersitetinde ýokary bilim alýan türkmen talyplary bilen duşuşyk geçirildi. Duşuşygyñ dowamynda talyp ýaşlarymyzyñ  hal-ýagdaýy, ýaşaýyş-durmuş şertleri ýerinde öwrenildi we olara okuwlaryny üstünlükli tamamlap geljekde Türkmenistan Watanymyza, Märiban Arkadagymyza wepaly ýaşlar bolup ýetişmekleri, Hormatly Prezidentimiziň talyp ýaşlarymyza eden sargytlaryndan ugur almaklary barada wagyz-nesihat işleri geçirildi.  

Duşuşygyñ ahyrynda, türkmen talyplary özleri üçin atalyk aladasyny edýän, türkmen ýaşlarynyň dünýäniň abraýly uniwersitetlerinde bilim alyp, milli ykdysadyýetimiziň barha kuwwatlanmagyna goşant goşjak hünärmenler bolup ýetişmekleri üçin giň mümkinçilikleri döredip berýän Hormatly Prezidentimiz Gurbanguly Berdimuhamedowa çäksiz alkyş sözlerini aýtmak bilen, Mähriban Arkadagymyzyň janynyň sag, ömrüniň uzak, belent başynyň elmydama aman bolmagyny hem-de alyp barýan il-ýurt bähbitli, döwlet ähmiýetli işlerinde hemişe rowaçlyklaryň ýar bolmagyny arzuw etdiler.